0
Жиззахда Некcия юк машинаси билан тўқнашиб кетди
Ҳодиса оқибатида 2 киши вафот этган.
Жиззах вилоятининг Пахтакор туманида 9 сентябрь куни одам ўлими билан боғлиқ йўл-транспорт ҳодисаси содир бўлди. Бу ҳақда вилоят Фавқулодда вазиятлар бошқармаси ахборот хизмати хабар қилмоқда.
Автоҳалокат соат 06:05 ларда Пахтакор тумани ҳудудидан ўтувчи 4P-35 автомобиль йўлининг 38-километрида юз берган. Дўстлик - Жиззах йўналишида ҳаракатланаётган Нексия қарама-қарши йўналишдаги PAZ-3307 юк машинаси билан тўқнашиб кетган.
Воқеа жойига ФВБ қутқарувчилар бўлинмаси етиб бориб, Нексия салонида қисилиб қолган ҳайдовчи ва олд ўриндиқда бўлган йўловчини махсус ускуналар ёрдамида чиқариб олишган.
ЙТҲ оқибатида Нексия ҳайдовчиси ва йўловчиси оғир тан жароҳатлари туфайли воқеа жойида вафот этган.
