0
“Кўсем” сериали юлдузи Ўзбекистонга келмоқда
У Тошкентдаги халқаро кинофестивалда қатнашади.
Таниқли турк актрисаси Нургул Ешилчай 12–18 сентябрь кунлари Тошкент шаҳрида ўтказиладиган “Ипак йўли дурдонаси” ХIV халқаро кинофестивалида иштирок этади. Бу ҳақда Кинематография агентлиги ахборот хизмати маълум қилди.
Нургул Ешилчай замонавий турк киносининг энг юқори баҳоланадиган актрисаларидан бири ҳисобланади. У “Муҳташам юз йил”, “Кўсем”, “Муҳаббат ва жазо”, “Тилка-пора”, “Қизил севги” фильмлари орқали томошабинлар меҳрини қозонган.
Эслатиб ўтамиз, 15 сентябрь куни “Ўзбекистон” Халқаро анжуманлар саройида “Туркия киноси кунлари”нинг тантанали очилиш маросими бўлиб ўтади.
