Путин, Си Цзиньпин ва Раисий ШҲТ саммити доирасида Ўзбекистонга келади
Шавкат Мирзиёев давлат раҳбарлари билан музокаралар ўтказади.
Президент матбуот котиби, Шерзод Асадовнинг маълум қилишича, ШҲТ саммитида имзолаш учун 30 дан ортиқ ҳужжат тақдим этилиши режалаштирилган.
«Самарқанд саммитининг асосий мақсадларидан бири ШҲТ оиласини янада кенгайтириш масаласи. Давлат раҳбарлари кенгаши доирасида ШҲТга аъзолик мақомини олиш учун Эроннинг мажбуриятлари тўғрисидаги меморандум имзоланиши кутилмоқда», — дейди Шерзод Асадов.
Саммит доирасида Хитой Халқ Республикаси Раиси Си Цзиньпин, россия президенти Владимир путин, Эрон президенти Иброҳим Раисийларининг Ўзбекистонга ташрифи кутилмоқда.
Хусусан, Хитой Халқ Республикаси Раиси Си Цзиньпин ва Эрон президенти Иброҳим Раисий 14-16 сентябрь, Россия президенти Владимир Путин эса 15-16 сентябрь кунлари расмий ташриф билан Ўзбекистонда бўлади.
Учрашув якунида Қўшма баёнот ва салмоқли келишувлар тўпламини имзолаш кўзда тутилган. Давлат раҳбарлари кенгаши доирасида ШҲТга аъзолик мақомини олиш учун Эрон Ислом Республикасининг мажбуриятлари тўғрисидаги меморандум ҳам имзоланиши кутилмоқда.
