Такси ҳайдовчилари норозилик билан чиқди
Бунга аэропортда расмий такси хизмати ишга тушгани сабаб бўлгани айтилмоқда.
Сўнгги уч кун ичида Тошкент халқаро аэропортида такси ҳайдовчилари томонидан бир қанча провокациялар содир этилди. Бу ҳақда деб хабар Uzbekistan Airports матбуот хизмати хабар берди.
Маълумотларга кўра, 12 сентябрь куни такси ҳайдовчиларидан бири аэропорт қўриқчисини аэропортга киритмагани учун машинада уриб юборган.
14 сентябрь куни такси ҳайдовчилари аэропорт раҳбариятидан ўз фаолиятини давом эттириш учун уларга бепул тўхташ жойи ташкил қилишни ёки олд ҳовлига қўйиб юборишни талаб қилиб, расмий такси хизмати машиналари терминалига киришни тўсиб қўйган.
Aэропорт ходимлари ҳуқуқ-тартибот идораларига қўнғироқ қилиб, такси ҳайдовчиларига нисбатан чора қўллаш ва Тошкент аэропорти кўчасида жамоат тартибини таъминлаш юзасидан ариза ёзган.
Эслатиб ўтамиз, аввалроқ Тошкент аэропортида расмий такси иш бошлагани хабар қилинганди.
