Тўқаев АҚШга боради
Бу ҳақда Оқ Ўрда хабар берди.
Қозоғистон Республикаси Президенти Қосим Жўмарт Тўқаев амалий ташриф билан Нью-Йоркка боради.
"Давлат раҳбарининг ташриф дастури қатъий. Президент БМТ Бош Ассамблеясининг 77-сессиясининг умумий мунозараларида иштирок этади", — дейилади хабарда.
Бундан ташқари, Тўқаев давлатлар ва халқаро ташкилотлар раҳбарлари, АҚШнинг йирик молия институтлари ва трансмиллий компаниялари раҳбарлари, эксперт гуруҳлари вакиллари билан бир қатор икки томонлама учрашувлар ўтказиши режалаштирилган.
