“Андижон — Хива” йўналишида қўшимча поездлар қатнови йўлга қўйилади
6 майда мазкур йўналишида ҳаракатланиши керак бўлган поездлар Фарғона водийси билан темир йўл алоқаси узилиб қолгани сабабли вақтинчалик тўхтатилганди.
Бу ҳақда “Ўзтемирйўлйўловчи” хабар берди.
“Андижон — Хива — Андижон” қўшимча йўловчи поезди қатнови 28 сентябрдан йўлга қўйилади. 29 сентябрдан ҳафтанинг ҳар пайшанба куни Андижондан ҳаракатланаётган “Андижон — Бухоро” йўловчи поездининг ҳаракат йўналиши Урганч бекатигача узайтирилди. 651/652-сонли “Андижон — Хива — Андижон” йўловчи поезди ҳафтанинг чоршанба кунидан Андижондан, ҳафтанинг пайшанба кунидан бошлаб эса Хивадан жўнайди”, — дейилади хабарда.
Қолаверса, 391/392-сонли “Андижон — Урганч — Андижон” йўловчи поезди ҳаракати ҳафтанинг пайшанба куни Андижондан ва ҳафтанинг жума кунидан бошлаб Урганч бекатидан ҳаракатланади.
