Apple’нинг ҳафсаласи пир бўлди
iPhone 14’га бўлган талаб кутилганидек эмас.
Американинг Apple Inc компанияси талабнинг пастлиги сабабли янги iPhone 14 моделларини ишлаб чиқаришни кўпайтириш режаларидан воз кечди. Бу ҳақда “Интерфакс” нашри ёзмоқда.
Компания етказиб берувчиларга жорий йилнинг иккинчи ярмида iPhone 14 ишлаб чиқаришни 6 миллионга ошириш ниятида эмаслигини айтди.
Эн йирик смартфон бозори бўлган Хитойда iPhone сотуви иқтисодий инқироз туфайли сўнгги пайтларда пасаймоқда. Сотувга чиқарилгандан кейин iPhone 14 буюртмалари сони ўтган йилнинг шу давридаги iPhone 13 буюртмалари сонидан 11 фоизга кам.
