Жиззахда трактор 14 та тиркама билан ҳаракатланди
Ҳолатга вилоят ИИБ ЙҲХБ изоҳ берди.
Ижтимоий тармоқларда Жиззах вилоятининг Шароф Рашидов туманида трактор ҳайдовчиси 14 та тиркама билан ҳаракатлангани акс этган видео тарқалди. Ҳолат юзасидан вилоят ИИБ ЙҲХБ ахборот хизмати расмий изоҳ берди.
Маълум бўлишича, Шароф Рашидов тумани ҳудудидан ўтган 4Р-38 Жиззах–Учтепа–Навбаҳор автомобиль йўлининг 12-километрида Жиззах вилоятининг Пахтакор тумани Сувонобод маҳалласида яшовчи, 1990 йилда туғилган ҳайдовчи “Беларус-80Х” русумли механик транспорт воситаси ёрдамида “Йўл ҳаракати қоидалари”ни қўпол равишда бузиб, белгиланган меъёрдан ортиқча тиркамалар билан ҳаракатланган.
Ушбу ҳолат юзасидан ҳайдовчига нисбатан тегишли тартибда маъмурий баённома расмийлаштирилган.
