2024 йилдан рақамли паспортга ўтилади
Тизим кўплаб соҳалар ривожига ҳисса қўшади.
Жанубий Корея аҳолиси 2024 йилдан рақамли идентификациядан фойдаланишни бошлайди.
Шахсни тасдиқловчи ҳужжат ўрнини босиши кутилаётган рақамли паспортга 2 йил ичида 45 миллион нафар фуқаро эгалик қилади.
Рақамли кўринишдаги паспорт мобиль қурилмада, илова кўринишида бўлади. Бу эса ўз навбатида барча хизматлар онлайн иш тартибига ўтишини таъминлайди. Шунингдек, ташаббус 10 йил ичида 60 триллион вон (42 миллиард доллар) тежашга хизмат қилади.
Рақамли паспортга ўтиш соғлиқни сақлаш, солиқ, транспорт соҳалари ривожига ҳам ҳисса қўшади. Вақтни тежайди, фирибгарлик ҳолатларини камайтиради, савдо имкониятларини оширади.
