0
Эртага дам олиш куними?
2020 йил 10 апрелдаги қонунга биноан 21 октябрь Ўзбек тили байрами куни этиб белгиланган эди.
Кўпчилик эртага дам олиш куни бўладими, деб сўрашмоқда. Бу ҳақда Xushnudbek.uz Telegram каналида маълумот берилди.
Хабарда келтирилишича, 21 октябрь дам олиш куни эмас.
Меҳнат кодексидаги матндан мантиқий келиб чиқсак, барча байрамлар ҳам дам олиш куни бўлавермайди. Масалан, 14 январь — Ватан ҳимоячилари куни ёки 1 июнь — Халқаро болаларни ҳимоя қилиш куни дам олиш кунлари эмас. Ёхуд кўплаб касб байрамларини бунга мисол келтириш мумкин.
Агар байрамлар дам олиш куни деб белгиланса, қонунда бу алоҳида кўрсатилади. Меҳнат кодексининг 131-моддасига биноан Ўзбекистонда 9 та байрамда дам олинади. Ўзбек тили байрами улар рўйхатида йўқ.
