Венгрия Россияга қарши янги санкцияларига қўшилмайди
Бидапешт санкцияларга вето қўйишда давом этади.
Венгрия маҳаллий компанияларга газ етказиб беришга таъсир этса, Евроиттифоқнинг Россияга қарши янги санкциялар жорий этишига йўл қўймайди. Бу ҳақда республика Бош вазири девони раҳбари Гергели Гуияш маълум қилди.
“Биз Евроиттифоқнинг Россия газ таъминотига таъсир қиладиган ҳар қандай санкцияларига вето қўйишда давом этамиз”, — деди у.
Таъкидланишича, Венгрия бу масалада прагматик ёндашувга амал қилади. “Газпром” билан тузилган шартноманинг Будапештнинг Украина инқирози бўйича позициясига ҳеч қандай алоқаси йўқ.
Гоуяш, шунингдек, Россияга қарши санкциялар Украина муаммосини ҳал қилишга ҳисса қўшмаслигини, балки европаликларнинг ўзига зарар етказишини айтди.
Ғарб Украина туфайли Россияга нисбатан санкциялар босимини кучайтирди, бу эса Европа ва Қўшма Штатларда электр энергияси, ёнилғи ва озиқ-овқат нархларининг ошишига олиб келди.
Аввалроқ Владимир Путин Россиянинг арзон ва ишончли энергия ресурслари Европанинг устуни эканлигини ва улардан қисман воз кечиш ҳам минтақа иқтисодиёти ва аҳолисига салбий таъсир кўрсатаётганини таъкидлаганди.
