Сирдарёдаги портлашда қанча уйга талофот етди?
Вилоят ҳокимлиги бу бўйича рақамларни очиқлади.
Аввалроқ Сирдарё вилоятининг Малик аҳоли пунктидаги Мудофаа вазирлиги омборида якка тартибда портлаш содир бўлгани хабар қилинганди. Вилоят ҳокимлиги матбуот хизмати ҳодиса оқибатида кўрилган зарар миқдорини очиқлади.
Қайд этилишича, кўрилган зарарни аниқлаш ҳамда уларни бартараф қилиш мақсадида тегишли вазирлик, идоралар масъул вакиллари, вилоят сектор раҳбарларидан иборат ишчи гуруҳи тузилган.
Ҳарбий қисм яқинида жойлашган маҳаллалар тўлиқ қамраб олиниб, хатловдан ўтказилган. Ҳисоб-китобларга кўра, 3742 та турар ва нотурар жойларнинг томи, шифти, дераза ва эшик ромларига қисман талафот етгани аниқланган.
Кўрилган амалий чоралар натижасида 22 октябр куни 2 минг квадрат метр ойналар аҳолига етказилиб, ўрнатиб берилган.
