Тошкентда омборхона ёниб кетди
Ҳодиса жойига 4 та ёнғин-қутқарув экипажи юборилган.
Бугун, 23 октябрь куни Тошкент шаҳрининг Чилонзор туманидаги омборхоналардан бирида ёнғин юз берди. Ҳолат юзасидан Фавқулодда вазиятлар вазирлиги матбуот хизмати маълумот берди.
Қайд этилишича, соат 09:08 да Чилонзор тумани Чорбоғ кўчасида жойлашган омборхонада ёнғин содир бўлаётганлиги тўғрисида шаҳар ФВБга хабар келиб тушган.
Шунга кўра, 4 та ёнғин-қутқарув экипажи 09:16 да воқеа жойига етиб борган ва ёнғин соат 09:22 да бартараф этилган.
Ҳодиса оқибатида жароҳати олган ва ҳалок бўлганлар йўқ. Омборхонанинг очиқ ҳудудида тахминан 150 квадрат метр майдондаги маҳсулотлари ёниб зарарланган.
Ҳозирда ёнғиннинг келиб чиқиш сабаби ўрганилмоқда.
