Сирдарёлик эркак хотинини уриб ўлдириб қўйди
Бунга оилавий низо сабаб бўлгани айтилмоқда.
Сирдарё вилоятининг Мирзаобод туманида эркак оилавий низо сабаб хотинини уриб ўлдирди. Бу ҳақда Ички ишлар вазирлигининг “ПОСТДА” телеграм каналида хабар қилинди.
Маълум бўлишича, Мирзаобод тумани Йўлдошобод маҳалласида яшовчи фуқаро Ф.М. ҳамда аёли ўртасида мунтазам оилавий можаро содир бўлиб турган. Бундай жанжалларнинг охири эса ўлим билан якунланган
Фуқаро Ф.М. турмуш ўртоғига оғир тан жароҳати етказиши оқибатида аёл вафот этган. Уларнинг икки нафар фарзанди етим бўлиб қолган.
Таъкидланишича, туманда вилоят сектор раҳбарлари иштирокида оғир турдаги жиноят муҳокамасига бағишланган йиғилиш бўлиб ўтган. Унда иштирок этган маҳалла фаоллари, мутасаддилар ушбу жиноят сабабларига атрофлича тўхталган.
