Сеулда вафот этган ўзбекистонликнинг шахси очиқланди
У Фарғона вилоятиндан бўлган.
Аввалроқ Жанубий Корея пойтахти Сеул шаҳрида Ҳeллоуин байрами вақтида юзага келган тиқилинч сабаб кўплаб одамлар ҳалок бўлгани ва улар орасида бир нафар ўзбекистонлик фуқаро ҳам борлиги хабар қилинганди.
Аниқланишича, вафот этган ўзбекистонлик – 25 ёшли талаба йигит бўлиб чиққан. Марҳум фарғоналик М. Н. Инчон университетининг 4-босқичида таҳсил олаётганди. Айни вақтда унинг жасадини Ўзбекистонга юбориш чоралари кўрилмоқда.
Эслатиб ўтамиз, ушбу фожиада 150 нафардан зиёд киши ҳалок бўлган.
