Жиззахда чиқинди газидан электр токи ишлаб чиқарилади
Бу бўйича Ўзбекистон–Корея ўртасида мемомардум имзоланади.
Жиззах вилояти экология ва атроф муҳитни муҳофаза қилиш бошқармасида Жанубий Корея Республикасининг атроф-муҳит саноати ва технологиялари институти – KEITI ишитирокида “Жиззах вилоятида мавжуд полигонларни ёпиш, янги замонавий полигонлар қуриш ва моддий техник базасини мустаҳкамлаш” лойиҳасини амалга оширишга бағишланган матбуот анжумани бўлиб ўтди. Бу ҳақда “ЎзА” ахборот агентлиги хабар қилмоқда.
Тадбирда Жиззах вилояти ҳокимлиги ҳамда Корея Республикасининг “KEITI” компанияси ўртасида 2021 йил 2 декабр куни Қўшма меморандум имзоланиб, лойиҳанинг дастлабки параметрлари белгиланганлиги алоҳида таъкидланган.
Лойиҳа доирасида 98 миллион 400 минг АҚШ доллари миқдоридаги, шундан грант маблағлари 8 миллион 400 минг, кредит маблағлари 90 миллион АҚШ долларини ташкил этган маблағлар ҳисобига Жиззах вилоятида чиқиндилар полигонида ҳосил бўладиган чиқинди газидан (метандан) электр энергияси ишлаб чиқарадиган ускуна ўрнатиш, 6 та чиқиндиларни қайта юклаш станциясини, 5 та янги полигон қуриш ҳамда янги қурилган полигонларга тиббиёт чиқиндиларни ёқиш усули билан йўқ қилиш, компост қилиш ускуналари ўрнатиш, контейнерлар ва махсус техникалар ҳарид қилиш режалаштирилганлиги қайд этилган.
