0
Жиззахда тунда 30 га яқин дарахт ноқонуний кесиб ташланди
Ҳолатга вилоят Экология бошқармаси расмий изоҳ берди.
Ижтимоий тармоқларда Жиззах вилоятининг Ғаллаорол туманидан ўтувчи М-39 автомагистрал йўли бўйидаги дарахтлар кесилгани ҳақида хабарлар тарқалди. Ҳолат юзасидан вилоят Экология бошқармаси матбуот хизмати изоҳ берди.
Маълум бўлишича, 25 октябрь кунидан 26 октябрь кунига ўтар кечаси Ўрмон хўжалигига қарашли бўлган ҳудудда номаълум шахслар томонидан 26 туп қайрағоч ва ўрик дарахти кесилган. Ҳолат юзасидан дастлабки ҳужжатлар расмийлаштирилиб, Ғаллаорол тумани Ички ишлар бўлимига тақдим этилди.
Ҳозирда дарахт кесганларнинг шахсини аниқлаш ва ҳолатга қонуний баҳо бериш юзасидан терговга қадар суриштирув ишлари олиб борилмоқда.
