Қорақалпоғистонда ҳоким қамоққа олинди
Унга нисбатан фирибгарлик бўйича жиноят иши очилган.
Қорақалпоғистон Республикаси Тахиатош тумани ҳокими қамоққа олинди. Бу ҳақда Республика прокуратураси маълум қилди.
Қайд этилишича, 1 ноябрь куни ҳоким И.Маткаримов фермер хўжалиги раҳбаридан фирибгарлик йўли билан 100 млн сўм пул олгани ҳолати бўйича Жиноят кодексининг 168-моддаси 3-қисми ва 25, 211-моддаси 2-қисми билан жиноят иши қўзғатилиб, қамоққа олинган.
Тергов ҳаракатлари Қорақалпоғистон Республикаси прокуратураси томонидан олиб борилмоқда.
