Сирдарёда йўлга ажратилган 1 млрд “еб юборилди”
Ҳолат бўйича 10 кишига айблов эълон қилинган.
Давлат хавфсизлик хизматининг Сирдарё вилояти бўйича Бошқармаси ва Ховос транспорт прокуратураси ҳамкорлигида йўл инфратузилмаси объектларида қонун бузилиши ҳолатларини аниқлаш юзасидан тезкор тадбирлар ўтказилган. Бунинг натижасида “Сирдарё йўллардан мунтазам фойдаланиш” унитар корхонасининг собиқ мансабдор шахслари томонидан 2018-2021 йилларда автомобиль йўлларини таъмирлаш учун ажратилган бюджет маблағлари, ишчи ходимларнинг иш ҳақлари ва рағбатлантириш пуллари — жами 1 млрд 006 млн 792 минг 703 сўм талон-торож қилинганлиги аниқланган.
Ҳолат юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилган ҳамда корхонанинг собиқ раҳбари Х.О., собиқ бош ҳисобчиси С.Ш., собиқ ҳисобчиси Х.С., собиқ бўлим бошлиғи М.Ш. ва яна 10 нафар шахсга нисбатан айблов эълон қилиниб, суд идораларига юборилган.
Жиноят ишлари бўйича Сайхунобод туман судининг ҳукмига кўра, айбдорларга озодликдан маҳрум қилиш, аҳлоқ тузатиш ишлари ҳамда қонунчиликда белгиланган бошқа жазо турлари тайинланган.
Талон-торож қилинган пуллардан 767 млн 753 минг 402 сўми суд ва тергов даврида давлат фойдасига ундирилган, қолган 239 млн 039 минг 301 сўми Мажбурий ижро бюроларига мажбурий тартибда ундириш учун юборилан.
