Россия ва Ўзбекистон ядровий объектларни эксплуатация қилишда ҳамкорлик қилади
Сочида атом саноатининг энг йирик “Атомэкспо” XII Халқаро форуми бўлиб ўтмоқдa.
21 ноябрь куни Сочида атом саноатининг энг йирик “Атомэкспо” XII Халқаро форуми ўз ишини бошлади. Унда дунёнинг 50 дан ортиқ давлати – Россия, Беларусь, Хитой, Ўзбекистон, Венгрия, Туркия, Ҳиндистон, Бразилия, Боливия, ЖАР ва бошқа давлат вакиллари иштирок этмоқда.
Форумда иштирокчилар дунё атом энергетикасининг бугунги ҳолати ва ядро технологияларига асосланган инновацияларни муҳокама қилишмоқда.
Форум доирасида “Росатом”нинг “TVEL” ёқилғи компанияси ва Ўзбекистон Фанлар академияси Ядро физикаси институти ўртасида ядровий объектларни эксплуатация қилиш ва чиқиндиларни бошқариш соҳасида ҳамкорлик тўғрисида битим имзоланди.
Ҳужжатни “TVEL” ёқилғи компанияси президенти Наталя Никипелова ва Ядро физикаси институти директори Илҳом Содиқов имзолади.
Ҳамкорликнинг асосий устувор йўналиши - радиоактив чиқиндиларни қазиб олишни олдиндан ташкил этган ҳолда, институт ҳудудида жойлашган бинолардан бирини, шунингдек, паст даражадаги чиқиндиларни сақлаш омборини фойдаланишдан чиқариш лойиҳасини амалга ошириш.
“Тошкент Ядро физикаси институти комплекс муҳандислик ва радиация тадқиқотлари, фойдаланишдан чиқариш ва радиоактив чиқиндилар билан ишлаш хавфсизлигини таҳлил қилиш, баҳолаш ва асослаш бўйича юқори даражадаги ваколатларга эга. МДҲ Таянч ташкилоти иш режаларини ишлаб чиқишда институтнинг ядровий таъминот соҳасида қўлланилаётган вазифалари ва мавжуд имкониятлари инобатга олиниши тўғрисида келишувга эришилди”, дейди Наталя Никипелова.
Маълумот учун, Росатомнинг ёнилғи компанияси TVEL ядро ёқилғисини ишлаб чиқариш, уранни конвертация қилиш ва бойитиш, газ центрифугаларини ишлаб чиқариш корхоналарини, шунингдек илмий-тадқиқот ташкилотларини ўз ичига олади.
