Қайнонa, келин ва набира ис газидан заҳарланиб, вафот этди

 

Ҳодиса Наманган вилоятининг Поп туманида содир бўлган.

 

 

 

Қайд этилишича, 20 ноябрь куни соат 16:00 ларда туманнинг «Тинчлик» маҳалласида яшовчи 51 ёшли Э.Т., вояга етмаган 6 ёшли набираси Ф.Т. ҳамда меҳмонга келган қайнонаси 74 ёшли Д.Й. уйни иситиш учун ўрнатилган темирдан ясалган печкага ёқилган табиий газдан чиққан ис газидан заҳарланиб, воқеа жойида вафот этган.

 

Мазкур ҳолат юзасидан туман прокуратураси томонидан терговга қадар текширув ҳаракатлари олиб борилмоқда.

 

Куни кеча Қашқадарё вилоятининг Қарши шаҳрида ижарада яшаб келган қиз ис газидан заҳарланиб вафот этганди.