Сирдарёга ҳоким вазифасини бажарувчи тайинланди
Бу бўйича Президент Фармони қабул қилинди.
Президентнинг тегишли Фармони билан Махмудалиев Акмалжон Азимжонович зиммасига Сирдарё вилояти ҳокими вазифасини бажариш юклатилди. Бу ҳақда “ЎзА” ахборот агентлиги хабар қилмоқда.
Бош вазир Абдулла Арипов ҳамда Президент Администрацияси раҳбари Сардор Умурзаков иштирокида Сирдарё вилоятида бўлиб ўтган йиғилишда мазкур фармон матни ўқиб эшиттирилган ва янги ҳоким жамоага таништирилган.
А.Махмудалиев кўп йиллар давлат идораларида меҳнат қилиб, катта тажриба тўплаган. Вазирлар Маҳкамаси масъул ходими, Фарғона вилоятининг Учкўприк тумани ҳокими, Навоий вилояти ҳокимининг қишлоқ ва сув хўжалиги масалалари бўйича ўринбосари лавозимида ишлаган.
Эслатиб ўтамиз, Сирдарё вилоятининг собиқ ҳокими Мирзаев Ғофиржон Ғаниевич Президент маслаҳатчиси лавозимига тайинланганди.
