Уйсиз эркакка катта миқдорда кўчмас мулк солиғи қўйилди
Шаҳар мэрияси судда уйсиз одамга ютқазди.
Исроилнинг Холон шаҳрида 69 ёшли уйсиз одамга 160 минг шекель (52,5 млн сўм) солиқ тўлаш мажбурияти юкланди.
Гап шундаки, Менаше Захри исмли эркак 10 йил олдин ўзи тунаб юрган фабрика эгалари билан танишиб қолади. Ака-укалар уйсиз одамга мурувват кўрсатиб унга нарсаларини бўш турган бинога қўйиши мумкинлигини айтиб, унга калитни топширади.
Йиллар ўтиб, солиқ тўлаш вақти келганида эса уйсиз одамни бинони хусусийлаштириб олганликда айблашади. Энг қизиғи, муниципалитет ходимлари уйсиз одамнинг бинога умуман алоқаси йўқлигини билсада, унга солиқ ҳисоб қоғозини юборган. Ноилож қолган Зархи судга мурожаат қилиб, қарз тўлашдан бош тортган.
Судда уйсиз эркак номидан адлия вазирлиги адвокати қатнашди ва ютиб чиқди. Мэрия судда уйсиз эркакка мағлуб бўлганини тан олишдан бошқа иложи қолмади.
