Испанияда шубҳали конвертлар аниқланмоқда
Улар Украинага алоқадор жойларга жўнатиляпти.
Мадрид яқинидаги авиабазада сўнгги бир суткада учинчи портловчи қурилма солинган пакет топилди.
Қайд этилишича, у Киевга маълумот берувчи базанинг сунъий йўлдош марказига почта орқали жўнатилган. Аввалроқ худди шундай жўнатмалар Украинанинг Испаниядаги элчихонаси ва украин армияси учун граната отиш мосламаларини ишлаб чиқарувчи компанияга ҳам юборилганди.
Ҳаво базаси хавфсизлик тизимлари шубҳали конвертни рентген текширувидан ўтказган. Натижада унинг ичида механизм аниқланиб, бу ҳақда ҳуқуқ-тартибот идоралари ходимлари хабардор қилинган. Полициянинг фикрича, учала воқеа ҳам бир-бири билан боғлиқ.
30 ноябрь куни Украинанинг Испаниядаги элчихонасига элчи Сергей Погорелцев номига шубҳали конверт келган эди. Қоровул уни очганида портлаш юз берган.
