Навоийда прокурор ЙТҲга учради
Вилоят прокуратураси унинг аҳволи ҳақида маълумот берди.
Ижтимоий тармоқларда Навоий туманининг Ғозғон шаҳар прокурори иштирокида йўл транспорт ҳодиасаси содир бўлганлиги ҳақида хабарлар тарқалди. Ҳолат юзасидан вилоят прокуратураси расмий муносабат билдирди.
Маълум бўлишича, Ғозғон шаҳар прокуратураси ҳайдовчиси Н.Ж. Ласетти русумли автомашина билан Навбаҳор тумани М.Улуғбек маҳалласи ҳудудида йўлнинг кескин бурилиш жойида қарама-қарши йўналишдан келаётган Нурота тумани “Темирқовуқ” маҳалласида яшовчи фуқаро М.О. бошқарувида бўлган Ласетти билан тўқнашган.
ЙТҲ оқибатида фуқаро М.О. ҳамда Ғозғон шаҳар прокуратураси ҳайдовчиси Н.Ж. тан-жароҳати олган. Автомашинада бўлган Ғозғон шаҳар прокурори Б. Исоқов тан-жароҳати олмаган.
Мазкур ҳолат юзасидан Навоий вилояти прокуратураси томонидан терговга қадар текшириш ҳаракатлари олиб борилаётган бўлиб, суд-тиббий, автотехника ва бошқа экспертизалар тайинланди. Ҳолат юзасидан хизмат текшируви ўтказилмоқда.
