Тошкент—Урганч авиарейслари 2 баробар оширилади
Шунингдек, Хоразмга тезюрар поезд қатновини йўлга қўйиш тезлаштирилади.
Тошкент—Урганч йўналишида авиарейслар сони амалдагидан 2 борабар оширилади ва Хоразмга тезюрар поездлар қатновини йўлга қўйиш ишлари жадаллаштирилади. Бу ҳақда Урганч шаҳар ҳокимлиги маълум қилди.
Қайд этилишича, кеча, 17 декабрь куни Президент Админстрацияси раҳбари Сардор Умрзақов ва Бош вазир Абдулла Арипов иштирокида йиғилиш бўлиб ўтган.
Йиғилишда ташкилий масалалар билан бир қаторда вилоятни инфратузилмасини янада яхшилаш, транспорт логистикасини ривожлантириш ва бошқа масалалар ҳам муҳокама қилинган.
Хусусан, Бош вазир вилоятнинг туристик салоҳияти, аҳолини кундалик эҳтиёжлари ҳамда темирйўл соҳасида амалга оширилаётган ислоҳатларни жадаллаштириш мақсадида Жалолиддин Мангуберди тезюрар электр поездини йўлга қўйишни тезлаштириш ҳамда Тошкент-Урганч йўналишида кунига 2 та эмас 4 та самолёт қатновини йўлга қўйиш бўйича масъулларга топшириқ берган.
