Путиннинг яқин дўсти РФ президенти билан қадрдонлигини инкор қилмоқда
Рус олигархлари ЕИ бош судига даъво киритди. Улар санкциялар ортидан ўзига етказилган маънавий зарарни қоплашни талаб қилмоқда.
Россия ва Беларусь олигархлари ўзларига қарши жорий этилган санкцияларни олиб ташлаш учун Европа судига мурожаат қилди.
Хусусан, ҳозирги кунда ЕИнинг олий суд инстанциясида Брюссель “қора рўйхати”га тушган компания ва бизнесменларнинг 61 даъвоси кўриб чиқилмоқда. Хусусан, олигархлар Григорий Березкин ва Геннадий Тимченколар ўзларига етказилган “номоддий зарар” учун компенсация талаб қилган. Хусусан, мультимиллиардер Березкин мавқеига жиддий зарар етказилганини, Украинадаги ҳодисаларга алоқаси йўқлигини ва РФ ҳукуматини қўллаб-қуватламаслигини билдирган. Компенсация сифатида у 1 евро талаб қилган.
Швейцарияда яшовчи Тимченко эса 1 миллион евро ундиришни талаб қиляпти. У Швейцарияда яшайди, Путиннинг яқин дўсти ва баъзан Россия раҳбари миллиардер билан хоккей ўйнайди. Тимченко расмийлар унинг Путин билан алоқасини бўрттириб юборганини таъкидлаган.
Бундан ташқари, “Челси”нинг собиқ хўжайини Роман Абрамович ва “Альфа-Групп” молиявий гуруҳининг раҳбари Михаил Фридман ҳам судга мурожаат қилган. Агар Абрамовичнинг даъвоси қондирилса, у компенсацияни ўзи тузган ва уруш қурбонларига ёрдам берадиган жамғармага жўнатмоқчи.
