Шаҳрисабздаги “метан заправка”да фуқаролар жанжал чиқарди
Ҳолатга вилоят ИИБ изоҳ берди.
Қашқадарё вилоятининг Шаҳрисабз туманида 13 декабрь куни фуқаролар ўртасида жанжал чиқди. Ҳолатга вилоят ИИБ расмий муносабат билдирди.
Қайд этилишича, соат 21:00 ларда вилоят ИИБ 102 тизимига Китоб тумани “Сарой” МФЙда яшовчи Р.А. телефон орқали хабар бериб, Шаҳрисабз туманидаги “метан заправка”да 2 нафар нотаниш фуқаро тортишаётганини билдирган.
Суриштирув ишлари олиб борилганда мурожаатчи — Китоб тумани “Сарой” МФЙда яшовчи фуқаро Р.А. билан Шаҳрисабз шаҳар Чоштепа МФЙда яшовчи М.Ф. ўртасида жанжал келиб чиққани аниқланган.
Жанжалда ҳар икки фуқаро Маъмурий жавобгарлик тўғрисидаги кодекснинг 183-моддасида кўрсатилган ҳуқуқбузарликни содир этгани аниқланиб, тўпланган ҳужжатлар қонуний тўхтамга келиш учун ЖИБ Шаҳрисабз туман судига юборилган.
