Столтенберг: Россиянинг мақсади тинчлик эмас
НАТО бош котиби Москва жанговар ҳаракатларни тўхтатиб туришни мақсад қилганини таъкидлади.
НАТО Бош котиби Йенс Столтенберг Россияни Украина низосини музлатишга ҳаракат қилаётганини айтди. Бу ҳақда унинг Financial Times нашрига ёзган мақоласида сўз боради.
Масалан, Россияда ўтказилган қисман ҳарбий сафарбарлик ва Эрон каби давлатлардан қурол сотиб олиш орқали шундай хулосага келиш мумкин.
“Россия урушни музлатиб қўймоқчи, бу орқали ўз кучларини қайта гуруҳлаш, қайта қуролланиш ва янги ҳужум бошлашга умид қилмоқчи”, – деб қайд этган бош котиб.
Унинг фикрича, ҳозирда Москва ҳақиқий тинчликка интилмаяпти.
Украина ва НАТО бир неча бор Россияни Эрондан дрон сотиб олаётганини айтганди. Эрон кейинчалик ҳақиқатдан ҳам РФга учувчисиз қурилмалар сотганини, аммо бу урушдан бир неча ой олдин амалга оширилганини тан олганди. Ўз навбатида Москва ҳеч кимдан қурол сотиб олмаётганини таъкидлаб келмоқда.
