Машҳур ҳинд актрисаси суратга олиш майдончасида ўз жонига қасд қилди
Бунга севги можароси сабаб бўлгани айтилмоқда.
Машҳур ҳинд актрисаси Туниша Шарма суратга олиш вақтида ўз жонига қасд қилди.
Фожиа суратга олиш майдончасида “Али Баба: Жангчи афсонаси” фильмида ишлаётган вақтда содир бўлган. 20 ёшли актриса кийиниш хонасида ўлик ҳолда топилган.
Шарма жуда қувноқ ва ўз ёшига кўра жуда муваффақиятли мартабага эга бўлган сабабли, бу хабар уни таниган барчани ҳайратда қолдирди.
Фожиа юз берган куни актёр Шизан Муҳаммад Хон ҳам суратга олиш майдонида бўлган. У Туниснинг собиқ севгилиси.
Йигит билан ажралиш қизнинг ўз жонига қасд қилишига сабаб бўлган, дея тахмин қилинмоқда.
ОАВнинг ёзишича, воқеадан кўп ўтмай Хон гумондор сифатида ҳибсга олинган.
Актёрнинг айтишича, унинг собиқ севгилиси аввал ҳам ўз жонига қасд қилишга уринган ва у ҳар сафар уни қутқариб қолган.
Шу билан бирга, турли диндаги жамоаларга мансублиги сабабли муносабатларнинг узилишини истаган Хон, ажрашгандан кейин Шарма ўзини беқарор ҳис қилганини тан олди.
