Ҳиндистонда “Док-1 Макс” ишлаб чиқарувчи заводлар ёпилди
Мамлакатда бу бўйича текширув якунланган.
Ҳиндистонда Дори воситалари стандартларини назорат қилиш марказий ташкилоти ходимлари, шунингдек, Uttar-Pradesh дори воситалари айланмасини назорат қилувчи бошқарма мутахассислари 30 декабрь куни Ноида шаҳрида жойлашган “Marion Biotech” заводини текширишни якунлади.
Текширув натижасида расмийлар фармацевтика компанияси заводида дори воситалари ишлаб чиқаришни бутунлай тўхтатишни талаб қилган.
Завод маҳсулотнинг сифат стандартларига мувофиқ узлуксиз ишлаб чиқарилиши ва назорат қилинишини таъминлаш нуқтайи назаридан ишлаб чиқариш амалиёти талабларидан четга чиққани қайд этилган.
“Док-1 Макс” сиропининг таркиби бузилгани ҳақидаги хабарлар туфайли ўтказилган инспекторлар текшируви якунланди ва “Марион Биотеч” компаниясининг Ноида шаҳридаги барча ишлаб чиқариш фаолияти кеча тунда тўхтатилди. Тергов давом этмоқда”, - дейди Ҳиндистон соғлиқни сақлаш вазири.
Эслатиб ўтамиз, Ўзбекистонда “Док-1 Макс” сиропини истеъмол қилиш оқибатида 19 нафар бола вафот этган.
