Ўқишини «перевод» қилмоқчи бўлган талаба 37 млнга чув тушди
Ҳозирда мазкур ҳолат юзасидан жиноят иши қўзғатилган.
Қашқадарё вилоятининг Косон туманида фуқаронинг хориждаги ўқишини Ўзбекистонга кўчириб беришни ваъда қилиб, уни чув туширган шахс ушланди. Ҳолат юзасидан ИИВ Киберхавфсизлик маркази хабар бермоқда.
Маълум бўлишича, Телеграм мессенжерида ўзини Нодирбек деб таништирган шахс Қашқадарё вилоятининг Косон туманида яшовчи Р.X.нинг Қозоғистон Республикасидаги ўқишини Ўзбекистон Республикасига кўчириб бериши мумкинлигини ва бунинг эвазига 37 млн сўм пулни кўрсатилган банк картасига ўтказиши лозимлигини тушунтирган. Шундан сўнг талаб қилинган пуллар ўтказилиши билан Телеграм-аккаунти ўчириб ташланган.
Олиб борилган тезкор-қидирув тадбирлари натижасида фирибгарлик йўли билан пулларни ўзлаштирган шахс Қашқадарё вилоятининг Косон туманида яшовчи 2002 йилда туғилган Н.M. эканлиги аниқланган.
Ҳозирда Н.М.гa нисбатан Жиноят кодексининг 168-моддаси билан жиноят иши қўзғатилиб, тергов ҳаракатлари олиб борилмоқда.
