0
Муборак туманида терилмаган пахта борлиги маълум бўлди
Терим ишлари 4 январдан давом этади.
Ижтимоий тармоқларда Қашқадарё вилоятининг Муборак туманида салкам 20 гектар майдонда пахта терилмай қолиб кетгани айтилган видео тарқалди. Ҳолат юзасидан туман ҳокимлиги расмий муносабат билдирди.
Маълум қилинишича, видеода кўрсатилган пахта майдони туманнинг “Амир Темур” ҳудудида жойлашган “ЭМГ Интер Инвестмент” хорижий корхонасига тегишли бўлган дала ҳисобланади. Хорижий корхона 2022 йил 30 декабрь кунига қадар ҳам далаларда пахта теримини амалга оширган. Байрам кунлари муносабати билан теримни ташкил этиш имконияти бўлмаган.
“Хорижий корхона пахта етиштиришда ўз илмий қарашларига асосланади. 4 январь кунидан бошлаб терим давом эттирилишини корхона иш юритувчиси маълум қилди”, — дейилади хабарда.
