0
Ҳокимликларга қишки таътилни узайтириш ваколати берилди
Бу бўйича Вазирлар Маҳкамасининг тегишли қарори қабул қилинган.
Қишки таътил даврини узайтириш ваколати ҳудуддаги об-ҳаво шароитларини инобатга олган ҳолда маҳаллий ҳокимликларга берилди. Бу ҳақда Мактабча ва мактаб таълими вазирлиги маълум қилди.
Қайд этилишича, Вазирлар Маҳкамасининг тегишли баёнига асосан ҳудуддаги об-ҳаво шароитларини инобатга олган ҳолда Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларига мактабгача, умумтаълим, ўрта махсус, профессионал ҳамда олий таълим ташкилотларида қишки таътил даврини узайтириш ёки узайтирмаслик ваколати берилган.
Эслатиб ўтамиз, “Таълим тўғрисида”ги Қонунининг 27-моддасида Маҳаллий давлат ҳокимияти органларига таълим соҳасидаги тегишли ваколатлар берилган.
