Ўзбекистон ТИВ автомашинада ҳаракатланишдан воз кечишга чақирди
Бу бўйича вазирлик огоҳлантириш билан чиқди.
Ўзбекистон Республикаси Ташқи ишлар вазирлиги Қозоғистон ҳудуди бўйлаб автотранспорт воситалари ва автобус қатнови орқали ҳаракатланишдан воз кечишишга чақирди.
Қайд этилишича, ушбу мамлакатнинг барча ҳудудларида ноқулай об-ҳаво кузатилаётгани боис автотрассаларда кучли совуқ туфайли қийин вазиятга тушиб қолаётган фуқаролардан мурожаатлар келиб тушмоқда.
Дипломатик ваколатхоналар Қозоғистон Республикасидаги ватандошлар ҳамда ушбу мамлакат тегишли идоралари билан доимий алоқада бўлиб турибди. Фуқароларга зарур консуллик, ҳуқуқий ва амалий ёрдам кўрсатилмоқда.
“Юқоридагиларни инобатга олган ҳолда, Ўзбекистон фуқароларига об-ҳаво шароити барқарорлашгунга қадар Қозоғистон ҳудуди бўйлаб автотранспорт воситалари ва автобус қатнови орқали ҳаракатланишдан воз кечишларини тавсия қиламиз”, — дейилади хабарда.
