Жиззахда 8 та автомобиль тўқнашди
ЙТҲга учраган автомобиллар орасида йўловчи автобуси ҳам бор.
Жиззах шаҳрида автобус бир нечта автомобиллар билан тўқнашди. Воқеа 2023 йил 17 январь куни соат 21:00 ларда Жиззах шаҳар “Мустақиллик шоҳ” кўчасида содир бўлган. Ҳолат юзасидан ЙҲХББ хабар берди.
Унда “ANKAI” русумли “Жиззах автотранс сервис” МЧЖга қарашли йўловчи ташувчи автобусни йўловчиларсиз бошқариб кетаётган ҳайдовчи А.Н. ҳаракат давомида чарчоқ аломати бўлиб, ухлаб қолган.
Оқибатда, рул бошқарувини йўқотиб “JizzaxPlasTex” корхонаси олдидаги автомобилларга ёқилғи қуйиш шохобчасида ўзи билан бир йўналишда олдинда навбат кутиб тўхтаб турган ҳайдовчи Қ.А.гa тегишли “Дамас”нинг орқа қисмига келиб урилган. Натижада, “Дамас” автомобили йўлнинг ўнг томон четига чиқиб ағдарилиб кетган ҳамда автобус ҳаракатини давом эттириб:
— ҳайдовчи Т.К.га тегишли “Nexia-2” русумли;
— ҳайдовчи Т.У.га тегишли “Nexia-2” русумли;
— ҳайдовчи З.Ш.га тегишли “Cobalt” русумли;
— ҳайдовчи Х.А.га тегишли “Nexia-3” русумли;
— ҳайдовчи У.С.га тегишли “Nexia-2” русумли;
— ҳайдовчи Р.И.га тегишли бўлган “Lacetti” русумли жами 7 та транспорт воситаларига тўқнашиб ЙТҲ содир этган.
ЙТҲ натижасида “Дамас” автомобили ҳайдовчиси, A.Қ.га биринчи тиббий ёрдам кўрсатилиб, амбулатор тартибда даволаниш учун яшаш манзилига юборилган.
Мазкур ЙТҲ юзасидан Жиззах вилояти ИИБ ЖХХ ЙҲХБ ходимлари томонидан суриштирув олиб борилмоқда.
