Москвадан Гоага учаётган самолёт Урганчга фавқулодда қўнди
Бортда маст йўловчи зўравонлик қилган.
Россиянинг Aeroflot авиакомпаниясининг AFL236 йўловчи рейси Москвадан Гоа йўналиши бўйича учаётган вақтида маст ҳолатда зўравонлик қилган йўловчи сабаб Урганч халқаро аэропортидаги муқобил аэродромга келиб қўнишга мажбур бўлди. Экипаж самолёт бортига милиция ходимларини сўраган.
Бортида 356 йўловчи бўлган Boeing 777-300 самолёти маҳаллий вақт билан 20:29 да фавқулодда қўнишни амалга оширди. Зўравон йўловчи рейсдан олинди. Яқин соатларда ҳаво кемаси Урганчдан манзил аэропортига парвозини давом эттиради.
