0
Сирдарёдаги хонадонда газ портлади
Ҳодиса оқибатида жароҳатланганлар бор.
Бугун, 18 январь куни Сирдарё вилоятининг Боёвут туманидаги хонадонлардан бирида ёнғин чиқди. Ҳолат юзасидан вилоят Фавқулодда вазиятлар бошқармаси маълумот берди.
Қайд этилишича, соат 15:20 да Боёвут тумани “Қарапчи” МФЙ ҳудудидаги 7-уйда тахминан ҳаво-газ аралашмасининг чақнаши билан боғлиқ ҳодиса содир бўлган.
Ҳодиса оқибатида уйнинг 50 квадрат метр майдони ёнган. Икки нафар фуқаро енгил тан жароҳати олиб, шифохонага юборилган.
Воқеа жойга ёнғин-қутқарув экипажлари соат 15:28 да етиб бориб, ёнғин 16:30 да тўлиқ ўчирилган. Ҳозирда ҳодиса сабаби ва моддий зарар миқдори аниқланмоқда.
