Таниқли актёр Калифорния тоғларида йўқолиб қолди
У деярли бир ҳафтадан бери қидирилмоқда.
«Жангчи» ва “Лас-Вегасни тарк этиш” фильмларидаги роллари билан танилган 65 ёшли британиялик актёр Жулиан Сендс Жанубий Калифорниядаги Сан-Габриел тоғ тизмасида сайр қилиш чоғида ғойиб бўлди.
Сандс 13 январь куни кечқурун бедарак йўқолган. Унинг оиласи актёр Болди тоғи ҳудудида (Лос-Анжелесдан 80 километр узоқликда) сайрга чиққани ва қайтиб келмагани ҳақида хабар берган. Яқин орадан Сандснинг машинаси топилган.
14 январь куни қутқарувчилар об-ҳаво шароити ва қор кўчкиси хавфи туфайли актёрни қидиришни тўхтатишга мажбур бўлди. Маҳаллий ҳокимият органлари қидирув ҳудудига вақти-вақти билан вертолётлар ва дронларни жўнатиб турибди.
