Беларусь ва Ўзбекистон ўртасидаги товар айирбошлаш рекорд даражада ўсмоқда – Лукашенко
Беларусь Президенти Шавкат Мирзиёевни икки давлат ўртасида дипломатик муносабатлар ўрнатилганининг 30 йиллиги муносабати билан табриклади.
Беларусь Президенти Ўзбекистон президенти Шавкат Мирзиёевни икки давлат ўртасида дипломатик муносабатлар ўрнатилганининг 30 йиллиги муносабати билан муборакбод этди.
У ўз табригида Минск ва Тошкент ўртасидаги мулоқот ўзаро ишонч, ҳурмат, қўллаб-қувватлаш ва иттифоқчилик тамойиллари асосида жадал ривожланаётганини таъкидлади.
“Ишончим комил, Минск ва Тошкент ўртасидаги конструктив ҳамкорлик янада мустаҳкамланиб, Беларус ва Ўзбекистон халқлари фаровонлиги йўлида янги кенг кўламли қўшма лойиҳалар билан бойиб боради”, — дейилган табрикда.
