0
Жиззахдаги овқатланиш шохобчасида бир гуруҳ шахслар муштлашди
Вилоят ИИБ ҳодиса сабабини маълум қилди.
Ижтимоий тармоқда Жиззах вилоятининг Зомин туманида бир гуруҳ фуқароларнинг жанжаллашгани акс этган видеотасвир тарқалди. Ҳолат юзасидан вилоят ИИБ расмий муносабат билдирди.
Маълум бўлишича, 21 январь соат 21.00 ларда Зомин туманининг Даштобод шаҳридаги овқатланиш шохобчасида бир неча шахс муштлашган. Келишмовчиликка Беруний маҳалласида яшовчи A.U., S.K. ҳамда O.R.larning ейилган таом учун ҳақ тўламаганликлари сабаб бўлган.
Шу куниёқ айрим жабрланувчилар шифохонада тиббий ёрдам олган. Ўз навбатида ҳолат юзасидан ички ишлар ходимлари томонидан терговга қадар текширув ўтказилмоқда.
“Қонунбузарларга нисбатан тегишли тартибда чора кўрилади”, — дейилади хабарда.
