Дард устига чипқон: Сурияда турар-жой биноси 7 та оилани босиб қолди
Биноси қулаши оқибатида 16 киши ҳалок бўлди, яна 4 киши жароҳатланди.
Якшанба куни Сурия шимолидаги Алеппо провинциясида турар-жой биносининг қулаши оқибатида 16 киши ҳалок бўлди, яна 4 киши жароҳатланди. Бу ҳақда Хитойнинг Синьхуа агентлиги хабар берди.
Шайх-Мақсуд туманидаги асосан курдлар истиқомат қиладиган 5 қаватли бино сувнинг ювилиши оқибатида қулаб тушди.
ИИВ маълумотларига кўра, уйда 7 та оила истиқомат қилган.
Сана давлат ахборот агентлиги хабарига кўра, қутқарувчилар омон қолганларни қидиришда давом этмоқда.
