Ўтган йили Ўзбекистонда қанча дарахт экилди?
Ўрмон хўжалиги агентлиги матбуот котиби соҳада амалга оширилган ишлар юзасидан маълумот берди.
АОКАда ўтказилган брифингда Ўрмон хўжалиги агентлиги ахборот хизмати раҳбари Отабек Ашуров соҳада 2022 йилда амалга оширилган ишлар юзасидан маълумот берди.
Маълум қилинишича, ўрмон фонди ерлари 12 миллион гектарга етказилди. Шунингдек, ўтган йилда тармоқ, соҳа, йўналишлари ва ҳудудларни ривожлантириш бўйича кўпгина чора-тадбирлар, ишлар амалга оширилди. Хусусан, ўрмон фондининг фойдаланилмаётган 1-7 минг гектар ер майдонлари ўзлаштирилиб, оборотга киритилди. 2-2,3 минг гектар ер майдонлари жисмоний ва юридик шахсларга узоқ муддатга ижарага берилди.
Орол денгизининг қуриган туби ва Оролбўйи ҳудудларида жами 208 минг гектар майдонда иҳота дарахтзорлари барпо этилди.
Ўрмон барпо қилиш, ниҳолхона ва кўчатхоналар ташкил этиш ҳамда кўкаламзорлаштириш тадбирлари учун дарахт ва буталарнинг 1 минг тонна уруғлари тайёрланди.
Жами 113 миллион дона тупроқ-иқлим шароитга мос турдаги манзарали, мевали дарахт ҳамда буталарнинг ниҳол ва кўчатлар етиштирилди.
Республика ҳудудларида жами 76,4 миллион дона, хусусан:
Қорақалпоғистон Республикасида 1-5,3 миллион;
Андижонда 5,9 миллион;
Бухорода 6,0 миллион;
Жиззахда 6,0 миллион;
Қашқадарёда 6,3 миллион;
Навоийда 5,3 миллион;
Наманганда 5,9 миллион;
Самарқандда 6,2 миллион;
Сурхондарёда 6,0 миллион;
Сирдарёда 5,3 миллион;
Тошкентда 6,3 миллион;
Фарғонада 5,7 миллион;
Хоразмда 5,7 миллион;
Тошкент шаҳрида 0,4 миллион дона манзарали, мевали ва бошқа турдаги кўчатлар экилди.
Соҳада қўшимча тармоқларни ривожлантириш ҳисобига ялпи даромад 290 миллиард сўмни ташкил қилди ва 10 минг та янги иш ўрни яратилди.
