0
Ўзбекистон Саудия Арабистони билан божхона ишларида ҳамкорлик қилади
Бу бўйича Жидда шаҳрида битим имзоланган.
Кеча, 23 январь куни “Халқаро шартномани тасдиқлаш тўғрисида”ги Президент қарори қабул қилинди. Бу ҳақда “Ҳуқуқий ахборот” телеграм каналида хабар берилди.
Қарорга мувофиқ, Ўзбекистон ҳамда Саудия Арабистони Подшоҳлиги Ҳукумати ўртасида божхона ишларида ҳамкорлик ва ўзаро ёрдам тўғрисидаги битим тасдиқланди.
Мазкур битим 2022 йил 17 август куни Жидда шаҳрида имзоланган.
Божхона қўмитаси ушбу халқаро шартномани амалга ошириш учун масъул бўлган ваколатли орган этиб белгиланди.
Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга кирганидан кейин Ўзбекистоннинг мажбуриятлари бажарилишини таъминлайди.
