0
Гулистондаги уйда газ портлади
ФВБ ҳодиса тафсилотларини маълум қилди.
Кеча, 26 январь куни Сирдарё вилоятининг Гулистон шаҳридаги хонадонларнинг бирида газ портлади. Ҳолат юзасидан вилоят ФВБ маълумот берди.
Қайд этилишича, Гулистон шаҳрининг “Намуна” МФЙ ҳудудидаги 62-хонадонда тахминан ҳаво-газ аралашмасининг чақнаши билан боғлиқ ҳодиса содир бўлган.
Ҳодиса оқибатида ёнғин содир бўлмаган, хонадон ошхонасининг кириш эшиги ва деразаси қисман шикастланган. 1 нафар фуқаро тан жароҳати олиб шифохонага юборилган.
Ҳозирда ушбу ҳодиса сабаби ва моддий зарар миқдори аниқланмоқда.
