Кейлор Навас рози бўлди
У “ПСЖ”дан “Ноттингем Форест”га ўтади.
Франциянинг “ПСЖ” клуби дарвозабони Кейлор Навас Англиянинг “Ноттингем Форест” клубига ўтишга рози бўлди. Бу ҳақда “ЛЪEқуипе” нашри хабар бермоқда.
Манбанинг хабарига кўра, “ПСЖ” ва “Ноттингем” ўртасидаги музокаралар давом этмоқда. Парижликлар 36 ёшли дарвозабон Англия жамоасига ижарага ўтса, унга маош тўламоқчи эмас. Наваснинг трансфери бутунлай “ПСЖ” қарорига боғлиқ.
Коста-рикалик футболчи 2019 йилдан буён “ПСЖ” сафида тўп суради. Париж жамоаси таркибида Навас Франциянинг икки карра чемпиони бўлди ва яна бешта миллий совринни қўлга киритди. “ПСЖ” сафида 108 та ўйинда дарвозабон 87 та гол ўтказиб юборди ва 50 марта дарвозасини дахлсиз қолдирди. Жанлуижи Доннарумманинг келиши билан Навас Париж клубининг асосий таркибидаги ўрнини йўқотди.
