Гулистонда Nexia ёниб кетди
ФВБ ҳодиса сабабини маълум қилди.
Бугун, 29 январь куни Сирдарё вилоятининг Гулистон шаҳрида Nexia автомобили ёниб кетди. Ҳолат юзасидан вилоят Фавқулодда вазиятлар бошқармаси маълумот берди.
Қайд этилишича, ҳодиса Гулистон шаҳрининг “Тараққиёт” МФЙ ҳудудида юз берган. Nexia-1 автомашинасининг тахминан электр жиҳозларидаги носозлик туфайли қисқа туташув келиб чиққан ва двигатель қисмида ёнғин содир бўлган.
Воқеа жойига 1 та ёнғин-қутқарув экипажи соат 9:31 етиб борган ва ёнғин 09:38 да тўлиқ ўчирилган. Оқибатда тан жароҳати олганлар йўқ. Ҳозирда ёнғин сабаби ва моддий зарар миқдори аниқланмоқда.
