Қашқадарёда Damas бутунлай ёниб кетди
Оқибатда автомашина яроқсиз ҳолатга келиб қолган.
Кеча, 28 январь куни Қашқадарё вилоятининг Ғузор туманида Damas автомобили ёниб кетди. Ҳолат юзасидан вилоят Фавқулодда вазиятлар бошқармаси маълумот берди.
Қайд этилишича, воқеа соат 04:40 ларда Ғузор туманининг “Буюк карвон” маҳалласи ҳудудида рўй берган. Ёнғин ҳақидаги хабар туман ФВБга соат 04:45 да келиб тушган ва манзилга 1 та бўлинма етиб борган. Қутқарувчилар ёнғинни соат 05:20 ларда тўлиқ ўчирган.
Ҳодисага автомобилдаги электр симларини қисқа туташуви сабаб бўлган деб тахмин қилинмоқда.
Оқибатда ҳеч ким тан жароҳати олмаган.
