Афғонистонлик бир қатор амалдорлар АҚШнинг "қора рўйхати"га тушди
Уларга Америка визалари берилмайди.
АҚШ афғон аёллари ҳуқуқларини поймол қилаётган афғон элиталарига виза чекловлари киритади. Бундай шахсларнинг қариндошларига ҳам чекловлар қўлланилади. Бу ҳақда АҚШ Давлат котиби Энтони Блинкен маълум қилди.
Чекловлар Толибоннинг айрим амалдаги ва собиқ аъзоларига тааллуқлидир. Рўйхатга Афғонистон хавфсизлик кучлари вакиллари ва аёлларнинг университетларда ўқиши ва нотижорат ташкилотларда ишлашини тақиқлашни талаб қилган амалдорлар ҳам киритилган.
“Толибон барча афғонлар, жумладан, аёллар ва қизларнинг инсон ҳуқуқлари ҳамда асосий эркинликларини ҳурмат қилишни бошламагунча, жаҳон ҳамжамиятининг ҳурмати ва қўллаб-қувватлашига умид қила олмайди”, — деди жаноб Блинкен.
