Германиялик аёл ўз ўлимини саҳналаштирмоқчи бўлди
У бу ишни ота-онасидан қасд олиш қилган.
Германиянинг Инголштадт шаҳрида яшовчи аёл ижтимоий тармоқда ўзининг қиёфадошни топиб, ўз ўлимини ишончли тарзда саҳналаштириш учун уни ўлдирди. Бу ҳақда The Guardian хабар бермоқда.
2022 йил август ойида келиб чиқиши эронлик 23 ёшли косметолог Шарабан К. ота-онаси билан жанжал туфайли яширинишга қарор қилди. Бунинг учун у ўз ўлимини сохталаштиришни режалаштирган. Шарабан К. ижтимоий тармоқларда ўзига ўхшаган бир неча аёлни топиб, улар билан учрашув ташкил қилмоқчи бўлган.
Фақатгина 23 ёшли Жазоирлик блогер Хадича косметика олиш баҳонасида учрашувга рози бўлди. Қиз қўшни Хайлбронн шаҳрида яшаган. Шарабан К. дугонаси билан уни машинада олиб кетиш учун келган. Ҳужум қилганлар Хадичани ўрмонга олиб бориб, машинадан мажбуран тушириб, унга 50 га яқин пичоқ урган.
Шундан сўнг улар аёлнинг жасадини машинанинг орқа ўриндиғига қўйиб, Инголштадтга олиб боришди. Улар жасад билан машинани Дунай қирғоғи яқинидаги турар-жой ҳудудида қўйишди. 16 август куни ярим тундан кўп ўтмай жасадни Шарабон К.нинг ота-онаси топади. Улар ўлдирилган аёлни қизлари деб ўйлашган.
Экспертлар аёлнинг шахси тўғри аниқланганига шубҳа қилишди. Қотиллик қуроли топилмади. Тергов жараёнида милиция ходимлари Шарабан К. ва Шекир К.ни топишга муваффақ бўлган ва гумонланувчилар қўлга олинган. Агар уларнинг айби исботланса, аёллар умрбод қамоқ жазосига ҳукм қилинади.
